30代香港女生 生活｜旅遊｜隨筆

今日下午香港時間六點就會有一年一度既MAMA頒獎典禮 今年會有一曲Gangnam Style瘋魔全球既PSY 仲有粒粒巨星如Big Bang, Hyuna, Ailee 本來呢兩日我心情都會好靚 點知尋日發生左一件事令我勁唔開心! 我九月份時托朋友搭上搭幫我買12月9日既坐位飛 一直到十月尾問佢都話未有飛 到11月中既時候,再問佢佢就話分緊飛 不過又問我可唔可以轉12月8日既飛比佢 因為佢朋友既老闆忽然要9號既飛 我同佢解釋因為我份工返shift,一早攞左9號假所以改唔到 佢就話幫我搞搞啦 尋日我終於忍唔住再whatsapp佢 佢話岩岩收到飛,點知發現係8號 仲話如果我唔要可以比返錢我 我即係勁燥 呢個唔係錢既問題 係誠信既問題 如果一開始你比唔到9號我 你可以早少少通知我 或者我仲可以改假 而家先講,更表都出晒,即係要我硬食姐 係咪一早收左我錢就可以咁冇品? 後來我上網睇番 原來而家好多黃牛都開始原價,甚至劈價放飛 咁其實係咪我個朋友既朋友跟本就係炒黃牛 炒剩先比我? 更何況個位係1680飛最遠個個... 最人係咪可以咁冇品?

有留意我的日記的朋友都知道 我們一早計畫好在下年雪祭期間到北海道旅行 行程重點是滑雪及看冰雕 可惜早兩個星期我才發現 我二月頭要參加韓語初級一的末期考試 這意味著我要在雪祭期間來個北海道七天之旅 就需要連著農曆新年假期 而從事零售業的壞處便是 你很難在紅日假期時請年假 即便是你可以放假 也要付出紅日旅遊旺季的高昂旅費 怎麼辦好呢 雪祭是北海道一年一度的盛事 如果我們今次錯過了 便要再等到２０１３年的二月份了 而其實我們已從今年二月已開始期待好了 還是我們放棄在雪祭期間去 而改為在二月尾去呢？ 但男友又表示 不再雪祭期間去，不能看冰雕 那去北海道就喪失意義了 還是我將韓語考試改期呢？可以用旅行這原因來改期嗎？ 會影響考試成績嗎？

作為零售業前線員工的一分子 很多時都是對人歡笑背人垂淚 每天面對數以百計的本地及外地客人 有禮貌有品格的客人真的買少見少 多的是仗著自己有幾個臭錢就故意刁難之無品客人 有的是這又要試那又要試 要你把每個尺碼的衣服都拿出來讓他比比 最後才告訴你這個款跟本不好看 有的是向你拿新襪子給他試鞋 試完後不買又要你把襪子送他 更甚是問你要鞋帶，說聲謝謝就走了 幸好他們最後還沒有脫下舊鞋要我們為他套上新鞋帶呢 你們也許會問 你們名店不是只有看不起本地人的高傲售貨員嗎？ 對不起，你們都錯了 事實上香港以零售及服務業為主 上至尖沙咀銅鑼灣一線名牌，下至旺角波鞋街馬拉松 講的都是“服務至上，顧客為先“的生意精神 我們在公司生存的目的 就是要盡量滿足顧客有理或無理的要求 然後奢望他們或許會花一點點錢在我們公司 Believe it or not 名店不再是那個會對你黑面唔願意serve你的那種名店了

今次唔寫隱適美 話說小妹18號開始戴第二個牙套 麻痺的感覺只係維持左3日左右就開始慢慢消失 我相信43個牙套不知不覺就會完成 到時候我就會係一個全新的我　 今日想寫既係水痘 小妹今年二十歲有五 近呢兩年可能工作太忙、食無定時、休息不足 最重要係工作量極多而壓力又超大 開始感覺體力大不如前　 估唔到上年兩場大病之後 今個月中仲出埋水痘 好既係男友不在身邊幾個星期時間 唔需要大家避而不見，又唔怕傳染比佢 而且咁忙碌既工作之中忽然有個幾星期病假在家休養 都算是苦中一點甜 時至今日已有約十天 其實大部分水痘要凋謝 只剩幾點可能有少許發炎 仲有少少紅腫 真係好擔心呢個年紀仲要在臉上多幾個洞　 我都驚比男友嫌棄呀　

昨日去了唐醫生處看電腦圖， 雖說是上個月已決定了要剝牙、箍牙， 但那時候事情還未如此迫切， 起碼尚有三、四個星期才看較為具體的電腦圖， 如今了解到快要失去四隻健康的牙齒， 心裡真的不好受呢！ 尤其知道媽媽最近因牙齒開始鬆脫而去剝牙， 我的心中就對四隻牙齒更不捨！ 看了電腦圖後， 就更覺隱適美這項十多年的新技術神奇！ 我的上排牙齒有兩只大板牙和爆牙， 因此看起來有少許突出， 經過43個牙箍、大概一年半的時間， 本來突出而不整齊的上排牙齒， 可以調整得比下排稍入， （醫生表示正常人的咬合應是上排比下掛入一點） 而下排牙齒的改變就相對較少。 因昨天還要上班的關係， 我預約了這個星期五到九龍灣診所剝牙， 有經驗的同事表示， 剝牙最好是選擇放假日， 可以在剝牙後讓牙齒和嘴巴好好休息。 心情很緊急呢！

話說我上個月30號到了靚仔牙醫唐醫生北角診所， 做了第二次箍牙的consultation 他靚不靚仔就各花入各眼， 不過我覺得他可以在診症時更專業， 起碼不要在病人面前跟姑娘講自己昨晚在哪裡飲了幾多支紅酒。 他說我的牙齒很不整齊，所以開價比我的同事要高， 又說這個星期美國隱適美那邊加了價， 旁邊的姑娘又說唐醫生賺好少云云， 雖然我對此等銷售手法很不屑， 但我的幾位同事朋友都找他做，對他評價甚高， 而且這個價錢又接近我心目中的價位（雖然還是高了一點點）， 所以我在詢問男友的意見後就決定了 故事還未完結！ 第二天我跟同事談起做模的過程， 經他們提醒才醒覺唐醫生未有跟我照x－ray， 於是我立即致電北角診所詢問姑娘， 接聽的姑娘態度不友善地表示： “我記得你，你尋日黎醫生收你XXX價錢個個嘛， 隱適美唔一定要照x－ray架，由醫生決定既， 不過你要照都可以既，你自己過黎我地幫你做囉， 不過你又要就醫生時間，我驚阻你時間渣！” 事後跟男友說起此事， 他竟然比我更憤怒， 質疑診所“收左錢就咁寸” 幸好我再致電九龍灣診所，姑娘有禮儀又耐心解答我問題， 還建議我去九龍灣診所照x－ray（她表示那裡的姑娘會較有禮貌） 我的心情才較為平復 故事教訓各位， 比錢前先要問清楚，因為好多收左錢、過左海就係神仙！ （第一次是去著名的波波牙醫做consultation， 雖然等了很久，但他的準備工夫認真專業，可惜最後因價錢太貴而決定去別家）

重要日期 64回雪祭 ：2013年2月5日～11日 香港農曆年假：2013年2月10日（年初一）～13日（年初四） 住 JALAN 日本酒店預訂教學 : http://www.discuss.com.hk/viewthread.php?tid=6738693&extra=&page=1 http://tw.myblog.yahoo.com/jj-mao/article?mid=208 中國語轉換片假名 http://dokochina.com/katakana.php シィェン イン シャン Sapporo住宿 Gracery Hotel Sapporo Hotel Fino Sapporo Hotel Crest Sapporo 露天風呂 宏樂園 http://murasakikuma.pixnet.net/blog/post/87323210 行 9:15/14L50  (4:35) 16:00/20:45 (5:45) 2月1～7 JAL $6925 PAX 2月2～8 JAL $8000 PAX 2月1～7 CX  $6155 PAX